ARESTADO ang dalawang lalaki na suspek sa pagpatay sa pamamagitan ng pagpalo ng martilyo at pagsaksak sa isang sapatero sa Sta. Cruz, Maynila.
Nakakulong na sa MPD-Homicide Section ang mga suspek na sina Jeffrey Rongcales, 25, construction boy ng 114 Miguelin St. Sampaloc, Maynila at Ruel Caballes, 32, scavenger ng Unit 26, Temporary Housing, Tondo, Maynila.
Ang pagkakaaresto sa mga suspek kaninang umaga ay base sa kuha ng CCTV at testimonya ng testigo na nakakita sa dalawa na kapwa duguan matapos ang pangyayari.
Ang biktimang si Mateo Buyron, 53, sapatero ay pinagtulungang patayin ng dalawa kahapon ng alas-2:23 ng madaling-araw sa panulukan ng Mendoza St. at Malabon St. Sta. Cruz, Maynila.
Nabatid na matapos patayin ay pinagnakawan din ng mga suspek ang biktima.
The post UPDATE: 2 killer ng sapatero, arestado appeared first on Remate.