PATAY ang isang menor-de-edad nang barilin ng hindi nakilalang suspek sa Port Area, Maynila.
Kinilala ang biktima na si Ronaldo Yap, 17, ng 121 Blk. 17-A Baseco Compound, Port Area, Maynila.
Inaalam naman ang pagkakilanlan ng suspek na tumakas matapos ang insidente.
Sa report, nasa children’s playground ang biktima at kasalukuyang inaayos ang battery ng kanyang flashlight nang lapitan ng ’di nakilalang suspek at walang sabi-sabing binaril ang biktima sa tagiliran at dibdib.
Nakita naman ng isang concerned citizen na naghihingalo ang biktima kaya isinugod niya ito sa Gat Andres Hospital subalit namatay rin.
The post Bagets, tinodas sa playground sa Maynila appeared first on Remate.