KULONG ang isang dalaga matapos mapansin ng mga pulis na isinusuksok ng una ang sachet na shabu sa dalang pouch sa Caloocan City kaninang madaling-araw, Enero 19.
Kinilala ang suspek na si Editha Morales, 36, ng Baltazar st., Bagong Barrio ng lungsod.
Sa ulat, alas-2:30 ng madaling-araw, naglalakad ang suspek sa Malvar St., Bagong Barrio nang mapansin ang mga rumurondang mga pulis.
Agad na isinuksok ng suspek ang dalang sachet ng shabu subalit nakita ito ng mga pulis na naging dahilan upang lapitan at nang tignan ang dalang pouch ay nakita ang inilagay na sachet ng shabu na naging dahilan upang dalhin sa presinto.
The post Dalaga kulong sa shabu sa Caloocan appeared first on Remate.