PINAGBABARIL ng hindi nakikilalang armadong lalaki ang isang babaeng nakauniporme ng nurse sa Batangas kaninang umaga, Enero 21.
Hindi naman matiyak ng pulisya kung ang biktima na hindi nakuha ang pangalan ay isa nang ganap na nurse o estudyante pa lamang na may kursong BS nursing.
Habang isinusulat ang balitang ito, hindi pa rin malaman kung ano na ang kondisyon ng biktima na tinamaan ng bala sa katawan.
Sa ulat, naganap ang insidente alas-9:35 ng umaga sa national highway sa Lipa City, Batangas.
Bago ito, lulan ang biktima sa harapan ng pampasaherong jeep at tinatahak ang nasabing highway.
Pagsapit ng dyip malapit sa STAR Tollgate na sakop ng Barangay Tambo ay bumagal ang trapiko.
Maya-mala lamang, biglang sumulpot ang suspek sa gilid ng biktima at saka ito pinagbabaril bago mabilis na tumakas.
The post Nurse, pinagbabaril sa dyip sa Batangas appeared first on Remate.
