PATAY ang isang miyembro ng “Salisi Gang” matapos pagbabarilin ng riding-in-tandem kaninang madaling-araw sa Pasay.
Nagkabutas-butas ang katawan sanhi ng 15 tama ng bala ng baril ang biktima na kinilalang si Victor Adarne, 21, kasapi sa Sputnik gang, residente ng F. Victor St., ng naturang lungsod.
Ayon sa awtoridad, ang insidente ay naganap alas-3:00 ng umaga sa Esguerra St., M. delas Cruz Pasay City.
Naglalakad ang biktima nang sumulpot ang isang motorsiklo sakay ang mga suspek at sinalubong ang biktima at pinaputukan ng caliber .40 pistol at 9mm pistol.
Batay sa nakalap na impormasyon, ang biktima ay isa sa batikang miyembro ng “Salisi Gang” na nag-ooperate sa sikat na mall at supermarket sa lungsod.
The post Salisi gang tinaniman ng bala sa katawan, tepok appeared first on Remate.