GINAGAMOT pa sa Baguio General Hospital and Medical Center ang lima katao matapos masugatan sa pagguho ng lupa at bato sa Tadiangan, Tuba, Benguet.
Nakilala ang mga biktima na sina Rogelio Arellano, Janal Daliglig, Abrelio Wagney, Elpidio Balanguey at isang Belano, pawang residente sa nasabing lugar.
Ayon sa Tuba Municipal Police Station, pinapatag ng mga trabahador ang nasabing lugar para sana pagtayuan ng elementary school nang gumuho ang lupa na kinatatayuan ng mga biktima dahilan para mahila at mahulog ang mga ito.
Napag-alamang nagtamo ang mga biktima ng matinding injury kung saan pinangangambahang maputol ang kamay ng isa sa mga ito.
Sa ngayon ay inaalam pa ng mga awtoridad kung ano ang dahilan ng nasabing pagguho.
The post Pagguho ng lupa sa Benguet, 5 sugatan appeared first on Remate.