NAARESTO ng mga awtoridad ang tatlong tulak ng droga sa isinagawang buy-bust operation sa parking lot ng isang mall sa Bacoor, Cavite.
Nasakote ng pinagsanib na puwersa ng Philippine Drug Enforcement Agency (PDEA) at Bacoor Police ang mga suspek na sina Shing Jalil, 27; Khalifa, 31 at Rayce Radjail.
Batay sa ulat, sa Las Piñas ang transaksyon ng mga suspek ngunit dumiretso ang grupo sa Bacoor kaya roon isinakatuparan ang paghuli.
Ayon kay Cavite Provincial Police Office Chief Supt. Gregorio Evangelista, nasa 50 gramo ng shabu ang nakumpiska sa mga suspek at narekober ang salapi na aabot sa P400,000.
May mga nakuha ring nakabalot na brown na plastic ngunit hindi pa isasailalim sa laboratory test.
Nabatid sa isa sa mga suspek na galing sila ng Pasay at sumama lamang siya dahil may komisyon ngunit niloko aniya siya ng mga kasama niya.
The post 3 tiklo sa buy-bust operation sa Cavite appeared first on Remate.