NAGBARIL sa sarili ang isang magsasaka matapos ibenta ang kanyang alagang kalabaw sa Amulung, Cagayan.
Kinilala ng awtoridad ang biktima na si Odilon Castueras, 49, residente sa nabanggit na lugar.
Batay sa ulat ni S/Insp. Edwin Aragon, chief of police ng PNP Amulung, nagbaril sa sarili si Castueras gamit ang kinakalawang na baril.
Nabatid kay Aragon na may inaalagaang kalabaw si Castueras subalit nagdesisyon ang may-ari na ibenta na lamang ito.
Matapos maibenta, binigyan ng kanyang parte ang lalaki na labis nitong dinamdam.
Napansin ng anak nitong si Allan Castueras ang labis na kalungkutan ng tatay nang nawala na ang inaalagaang kalabaw.
Bago nagpakamatay, pinalabas niya sa kanilang bahay ang kanyang asawa at mga anak.
Nang makalabas na ang mga ito ay nagbaril sa kanyang sarili ang biktima.
The post Alagang kalabaw ibinenta, magsasaka nagpakamatay appeared first on Remate.