PATAY ang isang bagitong pulis na hinihinalang sangkot sa kaso ng kidnap for ransom at pagnanakaw ng mga sasakyan sa isang engkuwentro sa kapwa mga pulis sa Quezon City kaninang madaling-araw, Enero 27, 2014.
Ayon kay Quezon City Police District district director chief Superintendent Richard Albano, kinilala ang nasawi na si PO1 Reniel Abogado.
Nabatid sa QCPD na nakaengkuwentro ng biktima ang mga tauhan ng QC Police Anti-Carnapping Unit sa Payatas Road malapit sa Viologo Subd., QC alas-4:20 ng madaling-araw makaraan ang maikling habulan.
Nabatid pa sa ulat na hinabol ng mga awtoridad ang biktima matapos isangkot sa pagnanakaw ng isang Yamaha Mio na motorsiklo sa Regalado cor. Dahlia St., Greater Fairview, QC alas-3:30 ng madaling-araw.
Sa halip na sumuko ay nakipagbarilan ang biktima sa mga humahabol na pulis dahilan para gumanti naman ng putok ang mga awtoridad at masawi ang una.
Narekober ang isang .45 pistola baril sa suspek.
The post Rookie cop patay sa engkuwentro sa QC appeared first on Remate.