ITINUTURING na crime of passion ang pagpatay ng isang ama ng tahanan sa kanyang misis at dalawang anak sa loob ng kanilang sasakyan sa Tagbilaran, Bohol.
Nabatid na kahapon ng alas-11 ng umaga nang pagplanuhan ni James Kho ang pagpatay sa kanyang pamilya.
Unang isinakay ni James ang kanyang misis na si Cindy sa kanilang sasakyan para sunduin ang kanilang dalawang anak na sina James Martin, 10 at James, Jr, 5, sa kanilang eskewulahan.
Nang masundo na ang dalawa ay dinala ni James ang sasakyan sa bukiring bahagi ng lalawigan at doon pinatay ang kanyang misis at dalawang anak sa pamamagitan ng .9mm baril.
Matapos ay binuhusan ni James ng gasolina ang kanilang sasakyan saka sinilaban.
Bago pa tuluyang matupok ang sasakyan ay pumasok sa loob si James at nagbaril din sa sarili.
Sinasabing pagkalugi sa kanyang lending business ang dahilan ng pagpapakamatay ni James at pagpatay sa kanyang pamilya.
Nakuha sa opisina ni James ang suicide note nito na nagsasabing “I’m happy to die with my family.”
The post Bago nag-suicide: Misis, 2 anak pinatay ng lugi sa negosyong tatay appeared first on Remate.