TATLONG bahay at isang gusali ang natupok sa Sampaloc, Maynila, Lunes ng umaga.
Alas-5:00 ng umaga nang sumiklab ang apoy sa bahay sa 950 Basilio Street, na ayon sa mga residente ay matagal nang walang kuryente.
Sugatan sa sunog si Reynaldo Seraño na may mga lapnos sa iba’t ibang bahagi ng katawan.
Bukod sa mga nasunog na gusali, bahagyang nadamay sa sunog ang kalapit na dalawang-palapag na gusali.
Inaalam pa ang tunay na sanhi ng sunog subalit hinala ng mga residente, sa natumbang kandila ito nagsimula.
Umabot sa ikalimang alarma ang sunog bago naapula alas-6:40 ng umaga.
Hindi pa tukoy ang kabuuang halaga ng pinsala ng sunog.
The post 3 bahay at gusali, natupok sa Maynila appeared first on Remate.