PATAY ang 26-anyos na laborer nang saksakin ng kanyang pinagkakautangan kaninang umaga sa Port Area, Maynila.
Namatay habang ginagamot sa Gat Andres Bonifacio Hospital si Asenio Sagao, Jr., ng Blk. 17, Baseco, Port Area, Maynila.
Pinaghahanap naman ang suspek na si Jhon Paul Agtang, nakatira sa nasabing lugar.
Sa report, alas-6:00 ng umaga habang nagkukuwentuhan ang biktima at kaibigang sina Noli Paral at Jennelyn delos Santos sa Blk. 17 malapit sa GK Habitat, Baseco nang dumating ang suspek at siningil ang biktima sa pagkakautang.
Nagkaroon ng maikling pagtatalo sa pagitan ng dalawa hanggang sinaksak ng una ang huli sa dibdib bago tumakas.
The post ‘Di nagbayad ng utang tinarakan, todas appeared first on Remate.