TODAS ang isang construction worker matapos barilin sa ulo ng hindi kilalang salarin sa Brgy. UP Campus, Quezon City kahapon, Pebrero 9, 2014.
Kinilala ang biktima na si Carlito Barnobal, 47, ng Block 6, Kaingin, Brgy. Pansol, QC.
Ayon kay Senior Inspector Maricar Taqueban hepe ng Quezon City Police District Public Information Office, naganap ang insidente sa harap ng bahay sa 106 Block 4, Daang Tubo, Brgy. UP Campus, QC ala-1:00 ng hapon.
Sinabi sa ulat na habang abala ang biktima sa kanyang illegal gambling sa lugar nang nilapitan ito ng suspek na tinatayang 50 hanggang 55-anyos , kayumanggi ang kulay saka binaril sa ulo ang una.
Matapos bumulagta ang biktima ay tumakas ang suspek.
Sinisiyasat pa ng mga awtoridad ang motibo at pagkakakilanlan ng suspek.
The post Obrero binaunan ng bala sa ulo appeared first on Remate.