HINDI sa ilalim ng lupa, kundi sa loob ng isang sinementuhang drum inilibing ang pinaniniwalaang salvage victim sa Cagayan.
Hindi pa malaman ng awtoridad kung kaninong bangkay ito.
Sa imbestigasyon, isang residente ng Nangalisan na kinilalang si Venancio Miguel, 40, ang nagtungo sa kanyang sakahan noong umaga ng Pebrero 8 sa Barangay Lannig para mag-ani ng kape nang mapansin na may bagong hukay na lupa sa lugar ngunit binalewala lang niya ito.
Kinabukasan, nagtanong siya sa kanyang mga kapitbahay kung may inilibing silang patay na hayop sa kanyang lupain ngunit wala silang alam ukol dito.
Dahil dito, idinulog niya ito kay Barangay Chairman Ronel Rances na agad namang nagtawag ng mga tanod at tinungo ang lugar at naghukay at nakita ang isang drum na may concrete cement.
Bago winasak, ipinaalam na rin nila sa mga pulis ang kanilang nakita at nang buksan ang drum ay tumambad sa kanila ang bangkay ng isang lalaki na naaagnas na.
The post Bangkay ng lalaki itinago sa sinementong drum appeared first on Remate.