NASANGKOT sa aksidente ang dalawang security convoy ng senador nang magkasuwagan ang apat na sasakyan sa Camarines Sur.
Sa kaganapan, agad naareglo ang nangyaring karambola na kinasangkutan ng security convoy nina Sen. Alan Peter Cayetano at Sen. Cynthia Villar sa Pili, Camarines Sur.
Napag-alaman na papunta sa bayan ng Bato ang convoy ng mga senador na dadalo sa programa ng 3rd anniversary ng El Verde Movement.
Batay sa ulat, nangyari ang aksidente sa kahabaan ng Maharlika Highway, Barangay San Jose.
Minamaneho ng isang Gerald Belgano ang Toyota Fortuner nang bumangga sa isang Hilux na nasa unahan nito na siya namang bumangga sa isang patrol car at PNP Patrol.
Wala naman naiulat na nasugatan sa pangyayari.
The post Security convoy ng 2 senador naaksidente sa CamSur appeared first on Remate.