INIIMBESTIGAHAN na ng awtoridad ang tunay na motibo ng pagpapatiwakal ng isang pulis sa Iloilo.
Kinilala ang nag-suicide na si PO2 Al Ribo, nakatalaga sa Jaro Police Station, natagpuang wala nang buhay sa loob ng comfort room sa kanilang bahay sa Brgy. Bolilao, Mandurriao.
Ayon sa pagsisiyasat, nagbigti ang biktima gamit ang sinturon.
Ayon sa hipag ng pulis, kahapon ng tanghali ay pumunta ang pulis sa kanilang bahay at hinalikan ang biyenan na babae saka humingi ng tawad sa kanya umanong mga kasalanan.
Napag-alaman na wala sa kanilang bahay ang asawa at dalawang anak ng pulis nang ito ay nagpakamatay.
Hindi pa masabi ng pamilya kung ano ang nagtulak sa pulis upang magpakamatay at patuloy ring iniimbestigahan ang insidente.
Lumalabas na nasasangkot sa ilang kaso ng indiscriminate firing dala ng kalasingan ang biktima na ang pinakahuli ay nangyari noong Agosto 2013 sa Brgy. Bolilao, Mandurriao.
Siya ay sinampahan ng kasong alarm and scandal at administratibo dahil sa insidente.
The post ‘Makasalanang’ parak nagbigti sa Iloilo appeared first on Remate.