NAGLATAG na ng pabuya o reward money ang lokal na pamahalaan ng San Vicente, Camarines Norte para mahuli ang dalawang katulong na pumatay sa kanilang amo na sina Romeo at Raquel Liwag nitong nakaraang Linggo lamang.
Mismong si Mayor Francis Ong ang naglaan ng P10,000 para sa sinumang makapagtuturo sa kinaroroonan ng mga suspek na sina Romnick Iglesia, 25, ng Jovellar, Albay at Jonel Dasig, 24, ng Goa, Camarines Sur.
Nawawala ang P50,000 na pera ng mag-asawang Liwag na pinaniniwalaang tinangay sa pagtakas ng mga suspek.
Sinunog din ng mga suspek ang bangkay ng mag-asawa upang ikubli ang krimen pero hindi naman nasunog mabuti.
Hindi naman makapaniwala ang anak ng mag-asawa na ayaw magpakilala na ang pumatay sa kanyang mga magulang ay ang kanilang dalawang katulong.
Naglatag na rin ang pulisya ng malawakang manhunt operation laban sa mga salarin.
The post Pabuya vs killers ng mag-asawa sa CamSur, inilatag appeared first on Remate.