NASA kritikal na lagay ngayon ang isang kelot nang saksakin ng kalugar sa kilikili kagabi sa Dizon St., Brgy. Timajeros, Malabon City.
Inoobserbahan sa Tondo Medical Center si Ferdinand Espiritu, 47, binata, ng B. Revira St., nasabing barangay sanhi ng malalim na saksak sa kaliwang kilikili.
Inatasan naman ni Malabon police chief S, /Supt. Severino Abad, ang kanyang tauhan na arestuhin at sampahan ng kaukulang kaso ang suspek na si William Jose, alyas ‘Tangi” kalugar ng biktima.
Ayon sa imbestigasyon, alas-10:30 kagabi nang maganap ang insidente sa kahabaan ng Dizon St., nasabing barangay.
Nabatid na naglalakad pauwi ang bikitma nang sitahin ng suspek na humantong sa pagtatalo hanggang sa magbunot ng patalim si William at sinaksak ang biktima.
Inaalam na ang tunay na motibo sa insidente.
The post Kelot sinaksak ng kalugar sa kilikili appeared first on Remate.