PATAY ang isang binata matapos pakainin ng mga bala nang sumpakin ng isa sa tatlong kaaway habang nag-aalmusal ang una sa Caloocan City, kaninang umaga, Marso 3.
Dead-on-arrival sa Tala Hospital sanhi ng mga tama ng bala ng sumpak sa mukha si Warren Mosquite, 18, ng CBY, Malaria nasabing lungsod.
Nakatakas naman ang mga suspek na sina Lowi Fernandez; Gido Cagayan at isang alyas JR.
Sa ulat, alas-7 ng umaga, nag-aalmusal ang biktima kasama ang kaibigan na si Carlo sa karinderya sa nasabing lugar nang sumulpot ang mga suspek at isa ang sumumpak sa namatay.
Matapos ang insidente ay tumakas ang mga suspek habang dinala naman ang biktima sa TH kung saan dating alitan ang sinasabing dahilan ng pagpatay sa binata.
Inaalam na ng mga pulis kung ano ang atraso ng biktima sa mga suspek.
The post Binata pinakain ng mga bala ng 3 kaaway, patay appeared first on Remate.