DAHIL lango sa alak at droga, binaril ng isang drug addict ang kanyang anak bago nagbaril sa sarili sa Cebu nitong Linggo ng hapon, Marso 2.
Patay sa tama ng bala ng 9mm pistol ang biktimang si James Villamor, 5, habang may tama naman sa kanang sentido ang suspek na si Fritz, dating family driver ni Liloan Mayor Duke Frasco.
Sa ulat, naganap ang insidente alas-5 nitong Linggo ng gabi sa mismong bahay ng mag-ama sa Barangay San Vicente, Liloan, Cebu.
Bago ito, nilayasan ang suspek ng kanyang asawa na si Cheryl kahapon din dahil sa pananakit nito at sa pagkalulong sa droga.
Naiwan sa suspek ang kanyang anak, kaya habang sumisinghot ng droga at lumalaklak ng alak ay naburyo at inasinta ang kanyang anak bago nagbaril sa sarili.
Nakuha rin ang ilang drug paraphernalia at bote ng alak sa loob ng bahay ni Villamor.
Ayon sa mga kamag-anak, tinanggal si Villamor sa serbisyo bilang drayber ni Frasco dahil sa pagkalulong sa droga.
The post Anak inutas muna ng adik na tatay, bago nagpakamatay appeared first on Remate.