PATAY ang isang barangay captain matapos tambangan ng dalawang suspek habang sakay ng sasakyan ang una papuntang barangay hall upang dumalo sa flag ceremony sa Caloocan City, Lunes ng umaga, Marso 3.
Namatay habang ginagamot sa Manila Central University (MCU) sanhi ng tatlong tama ng bala sa katawan si Alejandro Bonifacio, 54, barangay captain ng Barangay 163, Sta. Quiteria, nasabing lungsod.
Sa ulat, alas-8 ng umaga, nasa passenger side ang biktima ng kanyang sasakyan at habang papunta sa barangay hall ay sumulpot ang gunman at pinagbabaril ang kapitan.
Matapos ang insidente ay tumakas ang mga suspek sakay ng motorsiklong walang plaka kung saan inaalam na ng mga pulis kung sino ang mga una.
The post Kapitan todas sa ambush sa Caloocan appeared first on Remate.