MISMONG sa loob ng isang shopping mall dinukot ang misis ng vice mayor ng Hadjii Mutamad sa Basilan nitong Martes ng hapon, Marso 4.
Habang isinusulat ang balitang ito, wala pang natatanggap na tawag ang pamilya ng biktimang si Arsinah Nanoh, misis ni vice mayor Nanoh AlnaJil Nanoh mula sa mga kidnapper para ipatubos ang kanilang mahal sa buhay.
Pero mayroon ng hinala ang awtoridad kung sino ang grupo na kumidnap sa biktima pero pansamantalang hindi muna ibinunyag alinsunod sa ilalatag nilang follow-up operation laban sa mga suspek.
Bukod dito, naglatag na rin ang kapulisan ng checkpoints sa iba’t ibang bahagi ng lungsod para mapigil kung sakaling nasa lungsod pa ang ilan sa kidnappers na makikipagnegosasyon para makakolekta ng ransom money sa pamilya ng biktima.
Tikom naman ang bibig ni vice mayor Nanoh kung ano ang kanilang isusunod na hakbang para mabawi sa lalong madaling panahon ang kanyang misis.
Pero nagbuo na rin ng police tracker teams para tugisin ang mga kidnappers.
Inaalam na kung nakunan ng closed circuit television (CCTV) camera ng mall ang nasabing pagdukot at malaman na rin kung may mamumukhaan sa mga suspect para mapadali ang paghuli sa kanila.
The post Misis ng Basilan town vice mayor, dinukot sa mall appeared first on Remate.