HUMANTONG sa madugong away ang masayang inuman ng dalawang magkapitbahay na mag-asawa sa Sitio Bagong Sirang, Brgy. Panique, Aroroy, Masbate na ikinamatay ng isa at ikinasugat ng tatlo.
Kinilala ang mga biktima na sina Ricardo Gongje, Jr., Joseph Escoto, 35 at misis nitong si Dina Escoto na pawang may tama ng baril at saksak sa kani-kanilang mga katawan.
Namatay naman doon din ang live-in partner ni Gongje na si Evelyn Brioso.
Sa imbestigasyon, nasa gitna ng inuman ang apat nang bigla na lamang nagkaroon ng mainitan na pagtatalo ang dalawang lalaki dahilan para umuwi ang suspek na si Escoto sa kanilang bahay.
Ilang minuto ang lumipas nang bumalik ito ay bitbit na ang isang homemade shotgun, saka nagyaya ng duwelo at pinaputukan ang mag-asawa.
Hindi naman napuruhan ang isa sa mga biktima na agad din nakaganti gamit ang itak.
Tinamaan sa iba’t ibang bahagi ng katawan ang suspek kaya naman sumaklolo na rin ang misis nito.
Subalit hindi rin ito nakatakas sa pananaga si Ricardo habang patuloy naman sa pagpapaputok ang suspek na si Joseph sa kabila ng mga sugat.
Sa bandang huli, isa ang patay habang pawang sugatan ang tatlo na noong una’y nagbibiruan pa sa kani-kanilang mga buhay.
Patuloy na iniimbestigahan ng awtoridad ang naganap na insidente.
The post 2 lasing na mag-asawa nagpatayan sa Masbate appeared first on Remate.