DINUKOT ng mga miyembro ng Abu Sayyaf Group (ASG) ang isang elementary school teacher sa Patikul, Sulu nitong Miyerkules ng hapon, Marso 5, ayon sa ulat ng spokesperson ng 2nd Marine brigade.
Sinabi ni Captain Ryan Lacuesta, ang mga ASG kidnapper ay pinangungunahan ni Aljini Mundoc, alyas Ninok Sapari.
Kasama ni Mundoc ang may 10 alipores sa pagdukot sa biktimang si Alrashid Jahang, guro sa Tagbili Elementary School.
Lulan sa motorsiklo ang biktima nang tangayin ni Mundoc at ng kanyang mga bataan ang biktima sa Sitio Baunoh sa Barangay Liang, Patikul.
Inilatag na ang rescue operations para mabawi ang biktima at mahuli ang mga kidnappers.
The post Titser kinidnap ng ASG sa Sulu appeared first on Remate.