WALONG estudyante ang dinala sa pagamutan matapos malason nang kinaing bunga ng kasla o tuba sa Barangay Balaring, Ivisan, Capiz.
Anim sa walong kabataan ang kasalukuyang ginagamot sa ospital matapos sumakit ang tiyan, ulo at nagsuka habang ang dalawa ay nakauwi na sa kanilang bahay.
Kabilang sa mga estudyante na na-confine sa ngayon ay sina Aldrin, 10; Edelyn at Noeme, 8, Jeric, Marlon at Luigi.
Ayon sa ama ni Aldrin na si Racksy, pauwi na ang mga estudyante nang bigyan ni Jeric ng bunga ng kasla.
Sa pag-udyok ni Jeric sa mga kasamahan ay napilitan silang kainin ang bunga na naging dahilan ng pagsakit ng kanilang tiyan.
Pinaniniwalaan na nakakalason ang bunga ng kasla at pinagbabawalan na ito ay kainin.
The post 8 estudyante nalason ng tuba sa Capiz appeared first on Remate.