DALAWANG menor de edad ang kapwa namatay kabilang ang magtatapos ng high school nang barilin ng security guard sa Bgy. San Agustin, Malabon City.
Dead-on-arrival sa Tondo Medical Center si Rolan Dagudoy, 17, 4th year high school student ng C. Arellano sanhi ng tama ng bala ng shotgun sa katawan.
Namatay din habang ginagamot sa Jose Reyes Memorial Medical Center si Christian Santos, 10, grade 4 pupil, sanhi rin ng tama ng bala ng nasabing baril.
Kinilala ang suspek na si Jose Jangie Genorga, 25, ng Suburvan Security Agency ng Blk. 38, Phase 3, Dagat Dagatan, Caloocan City.
Ayon sa ulat, alas-4:00 ng hapon nang maganap ang insidente sa ilog tapat ng DRB compound sa nasabing barangay.
Nauna rito, pinagbawalan ng suspek na maligo ang mga biktima sa nasabing ilog na pinagkukumpunihan ng barko ng kanyang tinatanuran.
Nang hindi tumalima ang mga biktima ay nagalit ang suspek kaya agad ikinasa ang dalang shotgun sabay pinutukan ang dalawa na agad nilang ikinamatay.
The post 2 menor-de-edad inutas ng sekyu sa Malabon appeared first on Remate.