SABOG ang ulo ng isang babaeng kalilipat lamang ng bahay nang barilin ng kanyang ka-live-in sa Quezon City kaninang madaling-araw, Marso 19.
Dead on the spot sanhi ng tama ng hindi pa malamang kalibre ng baril sa kanang bahagi ng ulo ang hindi pa mapangalanang biktima na nakatira sa Maunlad St., Barangay Pinyahan, Q.C.
Walang saplot ang biktima na tinatayang 25-28 anyos nang matagpuang nakahandusay sa sahig ng kanyang inuupahang kuwarto.
Kasalukuyan namang inaalam pa ng Quezon City Police District-Criminal Investigation and Detection Unit (QCPD-CIDU) ang pagkakakilanlan din ng suspek na tumakas sakay ng hindi naplakahang motorsiklo.
Sa ulat, naganap ang insidente dakong 2:35 ng madaling-araw sa loob ng bahay ng magka-live-in.
Ayon sa mga kapitbahay, bago ang insidente, narinig nilang nag-aaway ang magka-live-in at sinundan nang pagalingawngaw ng isang putok ng baril.
Anila, hindi nila kakilala ang biktima dahil ilang araw pa lamang itong nakalilipat sa kanilang lugar.
The post Bebot na bagong lipat, binoga ng dyowa, tigbak appeared first on Remate.