ISANG tama ng bala ang ibinaon sa ulo ng isang tricycle driver ng dalawang ‘di nakilalang suspek habang natutulog katabi ang kanyang ka-live-in kaninang umaga sa Binondo, Maynila.
Kinilala ni SPO2 Glenzor Vallejo ang biktima na si Randy Torres, 21, ng 501 C.M.Recto Avenue, Binondo, Maynila.
Sa imbestigasyon, alas-5:00 kaninang umaga naganap ang pamamaril habang natutulog sa loob ng tricycle na may lisensyadong plaka na 8074 TL katabi ang kanyang ka-live- in na si Rona Jane Andrada.
Ayon sa ilang testigo, basta na lamang umanong nilapitan ng mga suspek ang tricycle na tinutulugan ng biktima at pinaputukan sa likuran ng kanyang ulo.
Nakita lamang umano ni Andrada ang nangyari sa biktima nang yugyugin nito ang kamay ng ka-live-in at napansing may umaagos na dugo sa kanyang ulo at kalauna’y nalamang may tama ito ng bala ng baril.
Nakatakas naman ang dalawang ‘di nakilalang suspek matapos ang krimen.
Dinala sa Nathan Funeral ang labi ng biktima para sa autopsy at safekeeping habang inaalam pa ang motibo sa pagpatay dito.
The post Tricycle driver binoga sa ulo, utas appeared first on Remate.