ITINAON ng 16 na preso na ang ilan ay may mabibigat na kaso ang kanilang pagtakas habang nagsasagawa ng Bible study sa loob ng Calbayog City Jail (CCJ) kaninang umaga, Abril 3.
Habang isinusulat ang balitang ito, ni isa ay wala pang naibabalik sa kulungan na pinaniniwalaang dumaan sa masukal at mabundok na lugar sa Western Samar.
Sa ulat, naganap ang pagpuga alas-8:25 ng umaga sa loob mismo ng compound ng CCJ.
Ayon sa CCJ officials, bago ang insidente ay nagsasagawa ng Bible study ang ibang mga preso.
Sa gitna nito, biglang inagaw ng isang preso na hindi nakuha ang pangalan ang baril ng isang jail guard at itinutok para makatakas ito kasama ang iba pang preso.
Nakikipag-ugnayan na ang pulisya sa mga kamag-anak ng mga presong nakapuga para sila’y mapasuko.
The post 16 preso, pumuga sa gitna ng Bible study appeared first on Remate.