KRITIKAL ang isang lolo matapos mabagok ang ulo at mawalan ng malay nang sapakin ng kalugar sa Caloocan City, Miyerkules ng gabi, Abril 3.
Inoobserbahan sa Orthopedic Hospital si Lolito Pablo, 69, ng PNR cmpd., ng lungsod.
Nadakip naman at nahaharap sa kasong frustrated murder si Alejandro Rosario, 28, at kalugar ng biktima.
Base sa ulat, alas-7:00 ng gabi, nagtatalo ang biktima at ang suspek sa nasabing lugar nang sapakin ng huli ang una.
Bumagsak ang biktima at humampas ang ulo sa sementadong kalsada at nawalan ng malay dahilan upang dalhin sa ospital habang nadakip ang suspek ng mga rumespondeng mga tanod.
Inaalam na kung ano ang pinagtalunan ng biktima at suspek.
The post Lolo kritikal sa mala-Pacquiao na suntok appeared first on Remate.