KRITIKAL ang isang binata matapos tagain sa ulo ng utol ng dating kasintahan makaraan magtalo ang dating mag-nobyo sa Valenzuela City, Huwebes ng gabi, Abril 3.
Inoobserbahan sa Fatima Medical Center (FMC) sanhi ng taga sa kaliwang tenga si Leonard Tena, 20, ng S. De Guzman St., Parada, ng lungsod.
Pinaghahanap naman ng mga pulis si Derick Emil De Guzman, nasa hustong gulang at kapitbahay ng biktima.
Sa ulat, alas-9:15 ng gabi, nakatulog ang biktima sa kanilang sofa dahil sa kalasingan at pakikipagtalo sa dating nobyang si Margie.
Nagising ang biktima dahil sa sigaw ni Margie na inaawat ang suspek habang dala ang butcher knife subalit hindi na nakaiwas hanggang sa mataga ng huli.
Matapos ang insidente, tumakas ang suspek habang dinala naman ang biktima sa FMC kung saan inaalam na kung ano ang pinagtalunan nina Margie at Tena.
The post Binata kritikal sa taga ng utol ng dating nobya appeared first on Remate.