DALAWA katao ang namatay matapos masagasaan ng tren sa magkahiwalay na insidente sa Maynila.
Kinilala ang mga biktima na sina Ricardo Balanque, 47, ng 1931 Macopa St., Kahilum 1, Pandacan, Manila at Jordan de Jesus, 21, empleyado ng Department of Energy (DoE) at residente ng 960 Valdez St., Sampaloc, Manila.
Alas-6:30 kagabi nang nakitang naglalakad ang biktimang si Balanque sa riles ng President Quirino Ave., Paco nang mahagip ng rumaragasang tren patungong Northbound.
Alas-8:30 naman kaninang umaga nang naganap ang pangalawang insidente sa riles na sakop ng G. Tuazon St., Sampaloc, Manila.
Tumawid si De Jesus sa riles na hindi laan para sa pedestrian nang mahagip ng magkasalubong na tren na patungo sa magkabilang direksyon.
Literal na nagkapira-piraso ang katawan ng biktima.
The post 2 kelot lasog sa tren sa Maynila appeared first on Remate.