ISANG kriminal na matagal nang nagtatago sa batas ang naaresto ng mga tauhan ng warrant section kaninang madaling-araw sa Bgy. San Roque, Navotas City.
Kinilala ang suspek na si Aldrin Bantog, 30, ng kalye Impierno, Tabing-Dagat, nasabing barangay.
Ayon sa ulat, alas-4:00 ng madaling-araw nang madakip ng mga pulis ang suspek sa kanyang pinagtataguang lugar sa nasabing barangay.
Nakatanggap ng impormasyon ang tauhan ng warrant kaya agad tumalima sina P03 Tristan at P03 Allan Cañares bitbit ang warrant of arrest na ipinalabas ni Judge Zalcy Docena ng Malabon Regional Trial Court branch 170 at natunton ang natutulog na suspek.
Sa record ng korte si Aldrin ay may kinasangkutang kasong robbery at homicide ilang taon na ang nakararaan.
The post Wanted arestado sa Navotas appeared first on Remate.