NADAKIP ang mag-utol at isa pang kasama nang maaktuhang gumagamit ng shabu sa Valenzuela City, Lunes ng gabi, Abril 28.
Nakilala ang mga suspek na magkapatid na sina Carlos Navarro, 49, at Rolando, 43, at kapitbahay na si William Estrella, 49, kapwa ng Urutia St., Arkong Bato ng lungsod.
Nabatid na alas-11:30 ng gabi, nagsasagawa ng kampanya laban sa droga ang mga pulis sa nasabing lugar nang maispatan ang mga suspek habang tumitira ng shabu sa bahay ng mag-utol.
Nakuha kay Carlos ang tatlong sachet ng shabu at mga paraphernalia na naging dahilan upang sama-samang dalhin at sampahan ng kaso sa presinto.
The post Mag-utol at isa pa timbog sa shabu appeared first on Remate.