TODAS ang isang mister matapos pagbabarilin ng kanyang biyenan sa Caloocan City, Linggo ng gabi, Mayo 11.
Dead-on-arrival sa Manila Central University (MCU) Hospital sanhi ng mga tama ng bala si John Paul Hernandez, 29, ng 10th St., kanto ng 11th Avenue ng lungsod.
Sumuko naman si Wilfredo Garcia, 53, biyenan at kapitbahay ng nasawi.
Sa ulat, alas-10:15 kagabi, nakatambay sa eskinita sa nasabing lugar ang biktima nang sumulpot ang biyenan at pagbabarilin ang manugang.
Dinala ang biktima sa MCU habang sumuko naman ang biyenan sa Barangay dala ang ginamit na kalibre .38.
Inaalam na ng mga pulis ang motibo sa pamamaril.
The post Manugang niratrat ng biyenan, utas appeared first on Remate.