TIGBAK ang isang lalaki makaraang barilin ng hindi pa nakikilalang salarin sa Quezon City kagabi, Mayo 18, 2014.
Kinilala ang biktima na si John Michael Panaligan, 29, ng 133 Old Samson Road, Bgy. Apolonio Samson, Balintawak, QC.
Nabatid na naganap ang insidente sa Old Samson Road, Bgy. Apolonio Samson, Balintawak, QC alas-9:00 kagabi.
Nabatid sa witness na si Jennelyn Ocampo, na nanonood siya ng telebisyon sa loob ng kanilang bahay nang makarinig ng putok ng baril sa labas.
Agad na lumabas ng bahay si Jennelyn para tingnan ang narinig at nakita nito ang nakabulagtang biktima.
Humingi ng tulong ang saksi sa mga kapitbahay na sila ring nagdala sa biktima sa Quezon City General Hospital (QCGH) pero hindi rin naisalba.
The post Kelot tigbak sa pamamaril sa QC appeared first on Remate.