PATAY ang apat katao, habang humigit sa 19,000 naman ang lumikas dahil sa pagbaha dulot ng walang humpay na pagbuhos ng ulan sa North Cotabato.
Ayon kay Municipal Disaster Risk and Reduction Management Council (MDRRMC) Officer Constantino Dizaon ng M’lang, naitala ang dalawang magkapatid na casualty na kinilalang sina Shelron Jave, 5, at Roniel Jeff Brania, natagpuang lumulutang at wala ng buhay sa drainage malapit sa kanilang bahay.
Samantala, sa bayan ng Makilala, isang 53-anyos na lalaki ang natagpuang patay sa ilog na kinilalang si Wilson Abensay.
Ayon sa report, nakitang tumatawid sa ilog si Abensay ngunit tinangay ito ng malakas na tubig baha.
Naitala naman ang isa pang patay sa President Roxas, Kabacan River.
Sa ngayon, umaabot na sa 19,000 indibidwal ang apektado ng pagbaha mula sa 8 barangay sa bayan ng Kabacan batay sa impormasyon na ipinaabot ni Dan Saure, ang Kabacan disaster risk reduction official.
The post 4 patay sa pagbaha sa NoCot, 19,000 lumikas appeared first on Remate.