DEAD-ON-ARRIVAL ang 46-anyos na ginang barilin ng sariling ama nang mauwi sa pagtatalo ang diskusyon pagbenta ng kanilang bahay at lupa kahapon ng umaga sa Taguig City.
Hindi na umabot ng buhay sa Taguig Pateros District Hospital ang biktimang si Estrella Ledesma Rivera, ng Blk. 44, Lot 10, Brgy. Pinagsama, Taguig City sanhi ng ng bala ng kalibre 9mm sa noo.
Kasalukuyang inoobserbahan naman sa nasabing ospital ang ama ng biktima na si Rizalino Ledesma, 77, makaraang kuyugin ng mga rumespondeng kapitbahay.
Sa imbestigasyon ni PO3 Ricky Ramos, alas-8:20 ng umaga ng maganap ang insidente sa mismong bahay ng mag-ama.
Bago ang pamamaril, nagkaroon umano ng mainitang pagtatalo ang mag-ama dahil tutol ang biktima sa kagustuhan ng suspek na ibenta ng kanilang “family house”.
Galit na galit, kinuha ng suspek ang kanyang baril at walang sabi-sabing pinuntirya sa ulo ang biktima sanhi ng pagkamatay nito.
Isinugod pa sa ospital ang biktima ngunit binawian na rin ng buhay habang kinuyog naman ng mga rumespondeng kapitbahay ang suspek.
Nahaharap sa kasong parricide ang suspek na kasalukuyang nagpapagamot pa sa nasabing ospital.
The post Anak binoga ng sariling ama, tigbak appeared first on Remate.