DEDO ang isang taxi driver makaraang manlaban sa limang holdaper sa Quezon City, Linggo ng gabi.
Kinilala ang biktima na si Victor Rapis, 53-anyos, may-asawa, taxi driver at residente ng 363 Malic-lic St., Tondo, Manila.
Binawian nang buhay si Rapis habang ginagamot sa FEU Hospital dahil sa tinamong tama ng saksak sa kanang dibdib.
Ayon kay SPO1 Alden Lasam ng Quezon City Police District Station 6 Batasan, naganap ang insidente sa kahabaan ng Jasmin St., cor. Adarna St. Brgy. Holy Spirit, QC dakong alas-8:00 ng gabi.
Sumakay ang mga suspek sa minamanehong metered transport taxi (TWW-279) ng biktima sa Sangandaan, Quirino Hiway, QC at nagpahatid sa Brgy. Holy Spirit.
Pagsapit sa lugar, nagdeklara ng holdap ang mga suspek at kinuha ang maghapong kita ng biktima.
Subalit nanlaban ang biktima kaya saksakin siya ng mga suspek
Mabilis na tumakas ang mga suspek at iniwan ang duguang biktima.