ISA ang patay habang pito ang kasalukuyang nasa pagamutan makaraang bumangga ang Toyota Innova sa pader lulan ang mga ministro ng Iglesia ni Cristo (INC) sa Lupi, Camarines Sur, kaninang hatinggabi.
Nabatid na bumangga ang Toyota Innova sa pader na bahagi ng canal sa Barangay Sooc bandang alas-12:00 ng hatinggabi habang papauwi na sa lalawigan ng Camarines Norte kung saan lulan ang walong ministro.
Agad na binawian ng buhay ang isa sa mga ito na kinilalang si Alan Ronald Gutierrez makaraang tumilapon ito sa kinauupuan sa huling bahagi ng naturang sasakyan.
Malubhang tama naman sa mga katawan ang tinamo ng apat nitong kasamahan, samantalang may gasgas ang tatlong iba pa.
Hinihinalang dahil sa tindi ng pagod, hindi na napansin ng driver na si Darwin Marce Paras ang pader dahil sa dinaluhang aktibidad sa Legazpi City.