PATAY ang isang local tourist matapos malunod kaninang umaga sa Nacpan Beach, Bgy. Bucana, El Nido, Palawan.
Kinilala ang biktima sa pangalang Marvin Joven, 34, ng Angeles, Pampanga.
Sinasabing pabalik na sana sa tinutuluyan ang biktima kasama ang mga kaibigan, nang mapagdesisyonan ng mga ito na magbanlaw muna, limang metro mula sa pampang pero bigla silang hinampas ng sunod-sunod na malalaking alon, sanhi upang matangay ang biktima papalayo sa mga kasamahan.
Kaagad din na nagsagawa ng search and rescue operation sa biktima, pero dahil sa hindi maayos na lagay ng panahon ay hindi kaagad ito natagpuan.
Pansamantala namang sinuspinde ang island hopping sa El Nido dahil sa nasabing insidente.
The post Turista patay sa lunod sa El Nido, Palawan appeared first on Remate.