STA. LUCIA, ILOCOS SUR – Tatlong lalaki at isang babae na umano’y “big time” drug peddlers ay nasakote ng mga police matapos ang drug buy-bust operation sa isang hotel sa Barangay Sabuanan, Sta. Lucia, sa nasabing lalawigan kahapon ng hapon, June 14.
Ang mga suspek ay kinilalang sina Albert Matias, 40; Donna Buevos, 25; at Edgar dela Cruz, 27, ng Cagayan at si Renalito Puzon, 38, ng Barangay Rizal, Tagudin, Ilocos Sur.
Sa imbestigasyon ng pulisya, pinasok ng pinagsanib na pwersa ng Sta. Lucia Philippine National Police (PNP) at PDEA sa pamumuno ni Regional Director Adrian Alvarino, ang room 103 sa Janroe Traveller’s Inn na katatapos ding mag-pot session.
Nakuha sa mga suspek ang mga undetermined halaga ng shabu, mga baril at bala na ginagamit nila sa kanilang illegal operation.
Nakumpiska din ng mga awtoridad ang dalawang sasakyan na gamit ng mga suspek.
Ang mga nasakote ay dinala sa Sta. Lucia police.
The post 3 kelot, bebot timbog sa droga sa Ilocos appeared first on Remate.