ISA ang patay habang 16 naman ang nasugatan nang sabay na humagupit ang dalawang tornado sa hilagang-silangan ng Pilger, Nebraska, nitong nakaraang Lunes.”
Sinabi ni National Storm Prediction Center forecaster Rich Thompson, may lakas na hanging aabot sa 265 kilometro kada oras ang taglay ng buhawi.
Sinabi naman ng Office of the Governor na bukod sa Pilger, napinsala rin ng tornado ang mga bayan ng Wisner, Stanton at Pender.
Nagpapagaling na lamang sa Faith Regional Health Services ang mga residenteng nasugatan.
Inaalam pa ang halaga ng pinsala habang nananatili naman ang tornado watch hanggang kaninang hapon.
Nagdeklara na rin ng state of emergency si Nebraska Governor Dave Heineman kaugnay ng trahedya.
The post 1 patay, 16 sugatan sa buhawi sa Nebraska appeared first on Remate.