DALAWANG ulit inuga ng lindol ang Davao kaninang umaga Hunyo 21, 2014.
Ayon sa Philippine Institute of Volcanology and Seismology (Phivolcs), unang naramdaman ang 3.5 magnitude na lindol sa silangan ng Sarangani, Davao Occidental dakong 9:52 ng umaga.
Ang origin ng lindol ay tectonic at ang lalim sa lupa ng pagyanig ay 159 kilometro.
Samantala, kaugnay nito naramdaman naman ang 3.6 magnitude na lindol sa silangan ng Governor Generoso, Davao Oriental dakong 11:20 ng umaga.
Sinabi ng Phivolcs na ang origin ng lindol ay tectonic at ang lalim sa lupa ng lindol ay 051 kilometro.
Wala naman iniulat na napinsala o inaasahang aftershocks sa magkasunod na lindol.
The post Davao, 2 ulit inuga ng lindol appeared first on Remate.