KINASUHAN na sa Prosecutors office ng paglabag sa Republic Act 1084 at serious illegal detention ang anim na suspek na dumukot sa isang turistang Chinese.
Nauna rito, nailigtas mula sa kamay ng mga kidnaper ang isang turistang Chinese sa Queensland Hotel sa FB Harrison sa Pasay, alas-6:00 ng gabi nitong Linggo.
Nasagip ng Pasay Pulis ang biktimang si Shang Pang Wa, 34, dinukot sa Remington Hotel.
Mula sa Remington hotel, ilang beses na inilipat sa mga hotel sa Alabang at Taguig ang biktima na ipinatutubos ng P2-milyon.
Linggo ng umaga nang makatanggap ng text si Joanne Bautista mula sa kaibigang si Shang na nagpapasaklolo.
Agad humingi ng tulong sa pulisya si Bautista.
Ayon kay Sir. Supt. Florencio Renz Ortilla, anim sa mga kidnaper ang naaresto na kinilalang sina Richard Eloriaga, 31; Christoper Esperat, 29; Roel Fausto 32; Chinese na si Daniel Ren, Giovani Erollo, 20, at Ramon Paran, 17.
Depensa ng mga suspek, may utang ang biktima sa isang Chinese kaya pinabantayan ito sa kanila sa loob ng halos apat na raw.
Inaalam pa kung isang organisadong grupo ang nasa likod ng pagdukot.
The post 6 kidnaper ng Chinese kinasuhan na sa Pasay appeared first on Remate.