NAGKABUHOL-BUHOL ang daloy ng trapiko nang bumara sa lansangan ang isang trak sa Aurora Boulevard Eastbound, Biyernes ng madaling-araw.
Batay sa inisyal na imbestigasyon, alas-5:00 ng umaga nang maputol ang tali na humahawak sa apat na sementong hagdan nang mag-U-turn ang trak kaya nahulog ang dalawa sa mga ito at bumalandra sa kalsada.
Hanggang alas-6:40 ng umaga, nakabalandra pa rin ang mga hagdan kaya isang lane lang sa Aurora Blvd. Eastbound ang bukas sa mga motorista.
Nabatid namang dadalhin sa Cubao ang mga pre-cast na hagdan bago naganap ang aksidente.
The post Trapiko nagkabuhol-buhol sa naaksidenteng trak appeared first on Remate.