BINUBUSISI na ng mga awtoridad kung anong sidikato ang nasa likod na ginagawang kasangakapan ang menor-de-edad sa pagbebenta ng iligal na droga.
Dahil dito, tatlong menor-de-edad ang nailigtas ng mga awtoridad makaraang gamitin sa pagbebenta ng shabu sa lungsod ng Davao.
Nasagip ang mga menor-de-edad sa pinag-sanib na puwersa ng CIDG 11 at Sta. Ana Police Station.
Unang na-rescue ang walo at siyam na taong gulang sa loob mismo ng isang mall sa Ecoland, at na-recover ng pulisya ang malaking sachet ng shabu.
Habang isa namang 11-taong-gulang na bata sa Piapi Boulevard ang na-rescue at nakunan ng malaking sachet na pinaniniwalaang shabu.
Sa ngayon ay nasa kustodiya na ng Quick Response Team for Children’s Concerned ang mga kabataang na-rescue.
Samantala, pinapaalalahanan ngayon ng mga awtoridad ang mga magulang na alamin ang mga ginagawa ng kanilang mga anak para hindi mabiktima ng mga sindikatong nanamantala ng mga menor-de-edad sa paniniwalang hindi mahaharap sa anomang asunto.
The post Kabataan instrumento ng pagbenta ng shabu appeared first on Remate.