SUGATAN sa aksidente ang tatlong sundalo at isang sibilyan nang magsuwagan ang isang military truck at ang kasalubong na kotse sa Basilan kaninang umaga, Hulyo 1.
Isinugod naman agad sa ospital sa Isabela City sanhi ng tinamong kapansanan sa ulo at katawan ang hindi pinangalanang mga sundalo na pawang miyembro ng Army Special Forces (ASF).
Habang sugatan din at itinakbo sa pagamutan ang isang pasahero naman ng kotse na hindi nakuha ang pangalan.
Sa ulat, naganap ang insidente dakong 6:15 ng umaga sa national highway ng Barangay Busay, Isabela City, Basilan.
Bago ito, tinatahak ng military truck ang nasabing highway nang sa hindi pa malamang dahilan ay nakabanggaan ang kasalubong na kotse.
Sa lakas ng pagkakabangga, nawasak ang malaking bahagi ng harapan ng naturang kotse.
Iniimbestigahan pa ng pulisya kung sino ang dapat managot sa nasabing aksidente.
The post Military truck vs kotse, 4 sugatan appeared first on Remate.