KRITIKAL ang isang lasing na lalaki matapos barilin ng isa sa tatlong hindi pa kilalang mga suspek matapos lumabas ang una kasama ang kaibigan upang ituloy ang nabitin na inuman sa Caloocan City, Miyerkules ng gabi, Hulyo 2.
Inoobserbahan sa Jose Rodriguez Memorial Hospital (JRMH) sanhi ng tama ng bala sa ulo si Jun Lotino, 46, ng Soldier Hills, Tala ng lungsod.
Base sa ulat, alas-10:50 ng gabi, naubos ang iniinom ng alak ng biktima at kapitbahay na si Felendrino Igana sa loob ng bahay ng una at dahil bitin ay nagyaya si Lotino na ituloy ang inuman sa labas.
Habang nasa madilim na bahagi ng nasabing lugar ang mga dalawa, sumulpot ang mga suspek at walang salitang pinutukan si Lotino habang nakatakbo naman si Igana.
Matapos ang insidente ay tumakas ang mga suspek habang dinala naman sa JRMH ang biktima kung saan inaalam na ng mga pulis kung sino at ano ang motibo ng mga una.
The post Senglot binoga sa ulo, malubha appeared first on Remate.