DAHIL dinispatsa ng nobyo, isang modelo ang nagpakamatay sa pag-inom ng lason sa Agusan del Sur nitong Lunes ng hapon.
Ito ang lumabas na resulta ng mga tauhan ng Scene of the Crime Operatives (SOCO) sa isinagawang awtopsiya sa bangkay ng biktimang si Christine Escobia, 29, modelo at tubong Davao City.
Ayon sa imbestigasyon ng SOCO, may ininom na isang klase ng lason ang biktima na siyang ikinamatay nito.
Mas pinagtibay naman ng mga tiyuhin ng biktima ang konklusyon ng pulisya na walang foul play sa insidente dahil ang kanilang pamangkin ay dumaranas ng matinding depresyon simula nang iwan ng kanyang nobyo at magpakasal sa ibang babae.
Sa katunayan, dalawang ulit na itong nagtangkang magpamakatay hanggang sa bigla na lamang itong nawala noong Hulyo 1.
Natagpuan ang bangkay ng biktima sa Purok 8, Barangay Poblacion, Bayugan City alas-5 ng hapon kahapon.
The post Modelo pinagpalit ng BF, nagpakamatay appeared first on Remate.